آسف انا في جيتـي لـك تسرعـت
ظنيـت الاقـي فيـك شـيٍ فقدتـه

كنت احسبك مجروح مثلي تولعـت
جربت فرقى شخص قلبـك وهبتـه

كنت احسبك من مر جرحك تجرعت
حبيت فيك احسـاس طفـلٍ لمحتـه

لوقلت آآآه بوسط روحـي توجعـت
ولو شفت دمعاتك شعـوري سكبتـه

ولو تطلب اعيوني ابد مـا تمنعـت
واعطيك قلبي لو بعـد مـا طلبتـه

وصلت بك..... اعلى مكان وتربعت
وفي قلب غيري ياالغضي ماوصلته

واصبر على صدك واشوفك تدلعت
واعطيك ود ومـا اظنـك حسبتـه

اذهلتني بطباعك اللـي ...تطبعـت
حتى قصيدي فيك ابـد مـا فهمتـه

لو كان غاياتك حروفي فانـا بعـت
وافرح بجرح الشاعر اللي جرحتـه

وأرجوك من صدك تراني تشبعـت
خلك مع اللـي عاجبـك او عجبتـه

يكفي قهر في جيتي لك تواضعـت
تركت غيرك لجـل عينـك وبعتـه

ياليتني عـن حـب مثلك..ترفعـت
ياليت قلبـي قبـل اعرفـك دفنتـه

لكن اب ابعد دامنـي بـك توهقـت
الله يرحـم حبنـا الـلـي ذبحـتـه

انا شريت الود والحيـن انـا بعـت
وانا عطيتـك قلبـي اللـي قهرتـه

في يوم جيتك اطلبـك ود واقنعـت
نفسي بانك شخص عـادي عرفتـه

كمل حياتك مثـل مـا انـا توقعـت
تبقى اسير الماضي اللـي فرضتـه

ولا يحزنك اني غلطان وتراجعـت
حولك بدالي ألف شخـصٍ عجبتـه

اما انا لا يمكن اخضـع ولا طعـت
يحرم علي اعطيـك قلـبٍ خذلتـه

باريّحك من شوفتـي يـوم قاطعـت
اسلوبك اللي بـة تجامـل كرهتـه

غلطان يا المقفـي انـا مـا تتبعـت
غيري يتابـع خطوتـي مـا تبعتـه

ما ينحني راسي لو انـي تقطعـت
وما هو بنا مـن لا رميتـه لقطتـه

وان كان غرك حكي عذالي وطعت
الله يعلـم كيـف قلـبـي سكنـتـه

اللي مـلا قلبـك علـي وتسمعـت
خله يعوض شخص مثلي خسرتـه

انـا بمـا فيـة الكفايـة تولـعـت
واللي بقى من قلب فينـي حرقتـه

وان شفتني صدفة بعينـك تطلعـت
ذكرتنـي بـا نسـان غالـي فقدتـه

باول لقا سلمتة احساسـي وضعـت
غلطت حياتـي يـوم قلبـي سلبتـه

واستسمحك ف البعد كاني تراجعت
ما عاد ابلقـى فيـك شـي فقدتـه

طبعك مثل غيرك وطبعي كما كنـت
احب شخـص ولا تركته...تركتـه

صاحبة الحرف المتألق
و ملكةالقلم الذهبي الرائع.
( بنت ناس متنداس )
تحية معطرة بالورد أهديها إليكِ
كم يسعدني دوما ان اري هذا النزف الرائع الجميل
فاعجز عن شكر على كل ما تخطه أناملكِ الذهبيه
وما يتدفق من حبركِ العطر
فيض من المشاعر والاحاسيس الجميله ..
عزيزتي كم تمتعت وتلذذت بهذه العبارات المتسلسله
والنغمات الملحنه بنفسها
ربما الاسلبوب الذي
اتبعتيه ونهجتيه على نهجه
من النوع البسيط والسهل
ويمتاز بلذذه في تذوقه..
فهنياً لنا بهذا القلم الساحر
والذي سحرنا جميعنا
احساس رائع وتعبير جميل..
دمتِ بحب وسعاده ..

من أنفاس لا تهدأ .. يبدأ الحديث
وحين يعلم أنه إليكِ ..
يلبس حلة القصيد .. وصوت النغم

*
*
*
إليك أكتب .. واصابعي ترقص على لوحة المفاتيح
تعلم انها تكتب لكِ ..

*
*

اقف اجلالا واحتراما وتوقيرا لكلماتكِ الراقية

حروفكِ عندما تصافـح شرفـات البـوح ...

تتـسـاقـط ابــداعـا وشــهــدا..

وتتغنى السطور كشدو عصافير ..

دمتِ بصحة وسعاده