المكان:- فى خيمة
المنظر:- ليلى جالسة على الأرض وتنقى الأرز
(يدخل قيس)

(ليلي:- لقيس)
قيس إبن عمى عندنا...يا مرحبا يا مرحبا

قيس:- كم جئت ليلى بأسباب ملفقة...ما كان أكثر أسبابى وعلاتى

ليلى:- (لقيس) ما تتكلم عربى يا مان



قيس:- حلاوتك بالعجوه...أبوكى فين يابت؟

ليلى:- ف السايبر

قيس:- يعنى أحنا هنا لوحدنا؟

ليلى:- والشيطان صايع

قيس:- أنا لا أفكر فى هذه الأمور...

ليلى:- نعمممممممممممم....ما اشبهش البنات اللى انت ماشى معاهم

قيس:- مش العباره بس.....
ليلى:- (تقاطعه)وحياه أبويه يا قيس لو ما انعدلت معايا لأكون موّلعه ف خيمتك بصفيحة بنزين
قيس:-
إهدئى يا ليلى( ويخرج من جيبه سيجارة كبيرة الحجم ويعطيها لليلي) مسائه نابت...إعمليلك سحابه دخان

ليلى:- (فى دهشة) أنت بتحشش يا قيس؟!!
قيس:- إضربى يا شيخه إضربى

ليلى:- ( تأخذ نفساً عميقاً من السيجاره) إيه البقسماط ده...دا مضروب يا حبة عينى
قيس:- بقسماط!!! إيش فهّمك إنتى فى الكيف....إنتى اَخرك تكركرى بالجوزه من غير معسل

ليلى:- (فى تحدى) طب إستنى ( وتتجه نحو الداخل)


قيس:- ( لليلى) رايحه فين؟

ليلى:- هجيبلك تربة حشيش (وتدخل)
الأب:- (يدخل الخيمة ويفاجأ بوجود قيس) قيس!!...هنا مع ليلى...وامصيبتاه...فلتمطرى صابون سايل أيتها



السماء....(لقيس) إنت بتعمل إيه هنا عيب هليك؟ !!!!!!!!!!!

قيس:- أنا كنت جايلك يا عمى عشان تيجى تصلح لنا السيفون....دانت شغلك زباله..الواحد بعد كده يبقى يجيب سباك نضيف
الأب:- (فى إنفعال) أين ليلى...ليلى...ليلى

ليلى:- (تدخل وفى يدها تربة حشيش) أبى ...ماالذى أتى بك مبكراً...إنت مش قولت هتقد ساعتين؟


الأب؟- النت فصل...إيه اللى ف إيدك ده؟!!
ليلى:- دى تربة حشيش هديها لقيش تموين الشهر

الأب:- (فى ذهول) ياللعار!!...من أين أتيتى بها أيتها الفاجره؟

ليلى:- ماتخافشي يابا دا م التموين بتاعى....الحشيش بتاعك لسه بلفتٌه
الأب:- ( فى راحة نفسية) أة ..إذا كان كده معلش
ليلى:- ( تعطى الحشيش لقيس) خد يا قيس جرب الصنف دا واحكيلى

قيس:- (يأخد الحشيش)ليلى...بعدد الجوانات التى بضربها..وبعدد الأحجار التى قمت برصها وبعدد الأنفاس التى قمت بتسليكها...أشكرك بضمير

الأب:- (لقيس) بقولك أيه ياقيس .... إنت مش ناوى تتجوز ليلى قبل ما تخرج م الضمان
قيس:- وانت ترضهالى برضه يا أونكل؟

الاب:- خسئت...هات ياد تربة الحشيش اللى خدتها

قيس:- ( يعطيه الحشيش) إمسك ياعم إنت هتذل إمى بحتة الحشيش بتاعتك..لعلمك بقه الصنف اللى أنت فرحان بيه دا

بيتباع فى الجمعيه مع اللحمه البرازيلى
الأب:- (لقيس) إمشى ياد إطلع بره

قيس:- تصبح على نقاله ياعمى
الأب:- أغرب عن وجهى

بكل ماخطه حرفك



وبكل ماجمعه فكرك



تبقى مميز



ثق بأني أستمتعت كثيرا من بين السطور




كذاك كان موضوعكـ

يسلمـــــــــــــــــــــــــــوا