أنت ليه بتحب مصر
أنت ليه طالب رضاها
ليه شايفها أحلى قصر
ليه بتستحمل آذاها
ليه طالبها تكون عفية
شمس بتنور سماها
حبى ليها شئ فى دمى
هأشتريها اليوم بعمرى
لو ناديتها فى يوم يا أمى
بألمس الرحمة فى بكاها
مصر دى أمى اللى ربت
ياما شالتنى وغنت
عمرها فى يوم ما استخبت
علمتنى أحمى ثراها
علمتنى أكون شجاع
أصلها تحب الصراع
ليها فى كل حرب باع
بأسها دمر عداهــــا
جى تسألنى عليها
أنت ليه بتبوس إيديها
مصر أمى وأنا حاميها
مستحيل أخسر رضاها
اللى مسلم فيها قبطى
واللى قبطى فيها مسلم
مستحيل تقدر تفرق
مين فينا خايف عليها
مين بيستحمل آساها
مصر أمى فداها دمى
مستحيل أخسر رضاها

ايه الكلام
الجامد ده يا بسام
شكرررررررررررررررررررررررررررررررررررررررا

اخزلتم تواضعنا شكرا